គ្រឿងសំអាងពិតជាមានសារៈសំខាន់ខ្លាំងណាស់សម្រាប់មនុស្សស្រីគ្រប់រូប ព្រោះវាអាចជួយលើកកម្ពស់សម្រស់ពួកគេឲ្យស្រស់ស្អាតបានមួយកម្រិត។ ប៉ុន្តែពួកគេមិនបានដឹងថា ការប្រើប្រាស់គ្រឿងសំអាងទាំងអស់នោះជាញឹក់ញាប់អាចធ្វើឲ្យប៉ះពាល់ដល់ដល់សុខភាពនោះទេ។ អ្នកជំនាញបានព្រមានថា នៅក្នុងគ្រឿងសំអាងជាច្រើនប្រភេទគឺ សំបូរទៅដោយសារធាតុគីមីដែលបង្កឲ្យមានគ្រោះថ្នាក់ដល់សុខភាព ដូច្នេះអ្នកមិនគួរប្រើវាជាញឹកញាប់ពេកទេ។
១. ប៉ះពាល់ដល់ប្រព័ន្ធសសៃប្រសាទ
ក្នុងឆ្នាំ ២០១១ ទីភ្នាក់ងារផ្នែកចំណីអាហារ និងឱសថអាមេរិកបានប្រកាសថា ក្រេមលាបបបូរមាត់ដែលផ្តល់ផលប៉ះពាល់ខ្លាំងជាងគេមាន ៤០០ ប្រភេទ។ សារធាតុលោហៈដែលមាននៅក្នុងក្រេមអាចជ្រាបចូលយ៉ាងងាយទៅក្នុងឈាមតាមបបូរមាត់ និងមាត់របស់អ្នកប្រើ។ ការកកុញសារធាតុទាំងនេះអាចនាំឲ្យមានការរាំងស្ទះដល់ការរំលាយអាហារ, ប៉ះពាល់ដល់ជាតិកាល់ស្យូមនៅក្នុងឆ្អឹង និងសសៃប្រសាទ។
សារធាតុលោហៈទាំងនោះក៏អាចបង្កគ្រោះថ្នាក់ដល់ស្ត្រីមានផ្ទៃពោះ។ វាអាចរំខានដល់ការអភិវឌ្ឍរបស់ទារក និងការអភិវឌ្ឍនៃទារកតាមរយៈទឹកដោះ។ ជាពិសេសវាអាចប៉ះពាល់ដល់ការអភិវឌ្ឍបញ្ញារបស់កុមារ។
២. ប្រតិកម្ម, រលាកស្បែក
សមាសភាពគីមីដូចជា methacrylate នៅជាប់នឹងមាត់ អាចរំខានដល់អ្នកប្រើប្រាស់បណ្តោលឲ្យរបកស្បែក, កន្ទួល, ហើមបបូរមាត់។
៣. ជំងឺសសៃឈាមបេះដូង
សារធាតុ Triclosan ជាទូទៅត្រូវបានគេដាក់បញ្ចូលនៅក្នុងគ្រឿងសំអាង។ សារធាតុនេះអាចរំខានដល់សកម្មភាពជាតិកាល់ស្យូមចាប់ពីខួរក្បាលទៅសាច់ដុំ, ប៉ះពាល់ដល់សកម្មភាពរបស់បេះដូង, កាត់បន្ថយកំលាំងសាច់ដុំ។
៤. មូលហេតុនៃការគ្មានកូន
ការសិក្សាជាច្រើនបានបង្ហាញថា សារធាតុគីមី triclosan និង parabens ចូលទៅក្នុងមាត់អាចបង្កឲ្យខូចខាតមុខងារក្រពេញទីរ៉ូអ៊ីត និងការបន្តពូជរបស់រាងកាយ។ វាអាចបង្កើនអរម៉ូនភេទឈ្មោលនៅក្នុងរាងកាយរបស់មនុស្សស្រី ដែលបណ្តោលឲ្យកើតមុន, លើកទម្ងន់, ជំងឺសក់, បញ្ហារដូវ និងអាចនាំឲ្យគ្មានកូន។
៥. បង្កើនហានិភ័យនៃជំងឺមហារីកសុដន់
នៅពេលដែលសារធាតុ parabens ជ្រាបចូលទៅក្នុងមាត់ វាអាចប៉ះពាល់ដល់អរម៉ូនភេទញី និងបង្អាក់វដ្តរដូវ។ គ្រឿងសំអាងដែលមានសារធាតុលោហៈច្រើនដូចជា ក្រូមីញ៉ូកាតមីញ៉ូម អាចនាំឲ្យកើតជំងឺមហារីកសុដន់។
៦. ហានិភ័យនៃជំងឺរលាក
អ្នកវិទ្យាសាស្ត្របានបង្ហាញថា ការប្រើក្រេមលាបមាត់អាចទាក់ទងទៅនឹងជំងឺរលាកសន្លាក់រ៉ាំរ៉ៃ។ ពេលដែលសារធាតុគីមីជ្រាបចូលទៅក្នុងមាត់អាចវាយប្រហារជាលិកាដែលមានសុខភាពល្អ, លទ្ធផលមានការរលាកភ្នាស់មាត់ផ្ទាល់ និងដំបៅមាត់, សន្លាក់, តម្រងនោម និងសរីរៈដទៃទៀត៕
About Lifestyle12
This is a short description in the author block about the author. You edit it by entering text in the "Biographical Info" field in the user admin panel.
0 comments :
Post a Comment