អង្គែជាបញ្ហាស្បែកក្បាលដែលកើតឡើងដោយសារកោសិកាស្បែកងាប់នៅលើក្បាល។ ជាធម្មតា វាធ្វើឲ្យរមាស់ស្បែកក្បាល ហើយមនុស្សជាច្រើនមានភាពអៀនខ្មាស់ និងគ្មានក្តីសុខ ដោយសារបញ្ហាជ្រុះអង្គែលើស្មា និងខ្នង។
ជាធម្មតា បញ្ហាអង្គែបណ្តាលមកពីការលាងសម្អាត ឬសិតសក់មិនបានត្រឹមត្រូវ, បញ្ហាស្បែកក្បាលស្ងួត ឬសម្បូរជាតិប្រេងខ្លាំងពេក និងភាពតានតឹង។ មានពាណិជ្ជកម្មផលិតផលសាប៊ូកម្ចាត់អង្គែជាច្រើនដាក់លក់លើទីផ្សារ។ តែទោះបីជាយ៉ាងណា វាពោរពេញទៅដោយសារធាតុគីមី ហើយអាចផ្តល់ផលអាក្រក់ច្រើនជាងល្អ។ សំណាងល្អ មានវិធីសាស្ត្រធម្មជាតិមួយចំនួនអាចជួយកម្ចាត់បញ្ហាអង្គែរបស់អ្នកបានយ៉ាងល្អ៖
ក្រូចឆ្មា
ច្របាច់យកទឹកក្រូចឆ្មា ២ផ្លែ លាយជាមួយទឹកទ្វេដង។ ប្រើទឹកនេះញីលើស្បែកក្បាលរយៈពេល ៥នាទី។ បន្ទាប់មកកក់សក់នឹងសាប៊ូ។ ទឹកក្រូចឆ្មាជាភ្នាក់ងារលាងជម្រះ ដូច្នេះបញ្ហាធាតុកខ្វក់, ជាតិប្រេង និងអង្គែនឹងត្រូវបានកម្ចាត់ចេញពីស្បែកក្បាលរបស់អ្នក។
ប្រទាលកន្ទុយក្រពើ
ប្រទាលកន្ទុយក្រពើត្រូវបានគេយកទៅប្រើជាធាតុផ្សំនៅក្នុងសាប៊ូកម្ចាត់អង្គែ។ អ្នកត្រូវចម្រាញ់យកសាច់ប្រទាលកន្ទុយក្រពើ។ ប្រើវាញីលើសក់របស់អ្នក រង់ចាំរយៈពេល ២០នាទី រួចលាងសម្អាតចេញ។ ប្រទាលកន្ទុយក្រពើមានផ្ទុកនូវសារធាតុត្រជាក់, ប្រឆាំងបាក់តេរី និងមេរោគផ្សិតយ៉ាងមានប្រសិទ្ធិភាព។
ស្លឹកត្រឡឹងតឹង
ស្លឹកត្រឡឹងតឹងជាភ្នាក់ងារផ្តល់សំណើមដល់សរសៃសក់។ វាមានផ្ទុកនូវជាតិប្រេងធម្មជាតិខ្ពស់, សារធាតុប្រឆាំងនឹងវីរុស ដូច្នេះវាបានផ្តល់អត្ថប្រយោជន៏ច្រើនក្នុងការព្យាបាលបញ្ហារមាស់ស្បែកក្បាល, អង្គែ, ចៃ និងបញ្ហាកន្ទួលលើស្បែកក្បាល។ បុកស្លឹកត្រឡឹងតឹង ៣-៤ សន្លឹកឲ្យម៉ត់។ បន្ថែមទឹកចូល និងកក់សក់របស់អ្នកជារៀងរាល់ថ្ងៃ។ វិធីមួយទៀតគឺ បន្ថែមស្លឹកត្រឡឹងតឹងទៅក្នុងទឹកក្តៅរយៈពេល ១ម៉ោងកន្លះ។ ច្របាច់ស្លឹកយកទឹក រួចទុកឲ្យត្រជាក់។
ស៊ុត និងទឹកដោះកក
ស៊ុតសមានផ្ទុកនូវសារធាតុប្រូតេអ៊ីនដែលអាចផ្តល់សារធាតុចិញ្ចឹមដល់សក់ និងជួយព្យាបាលបញ្ហាសក់បែកចុង។ ចំពោះបញ្ហាអង្គែ, ត្រូវលាយស៊ុតសជាមួយនឹងទឹកដោះកក រួចកក់សក់របស់អ្នក។ រង់ចាំរយៈពេល ១៥នាទី ហើយលាងសម្អាតចេញជាមួយនឹងទឹកត្រជាក់៕
About Lifestyle12
This is a short description in the author block about the author. You edit it by entering text in the "Biographical Info" field in the user admin panel.
0 comments :
Post a Comment