សម្រាប់ថ្ងៃនេះ ខ្ញំុ សូមធ្វើការបង្ហាញពីវិធីធ្វើស៊ុបមកចែកជូនដល់បងៗដែលជាស្ត្រីមេផ្ទះ ព្រមទាំងប្រិយមិត្តទាំងអស់គ្នាឲ្យបានដឹងវិញម្តង នោះគឺ ស៊ុបមាន់បន្លែ ។ ដូច្នេះកុំរងចាំយូរ សូមអនុវត្តទាំងអស់គ្នាដូចខាងក្រោម៖
+ គ្រឿងផ្សំ
- សាច់មាន់ ៤០០ក្រាម កាប់ជាដុំៗ
- ប៉េងប៉ោះ ២ផ្លែ ចិតចំណិតៗ
- ខ្ទឹមបារាំង ២ដុំចិតចំណិតៗ
- ការ៉ុត ១មើល ចិតចំណិតវែងបញ្ឆិត
- ខ្ទឹមស ៥កំពឹស
- ដំឡូង បារាំង ២ដុំ ចិតដុំៗ
- ពោតក្រហម ១ផ្លែកាត់កង់ៗ
- ម្សៅស៊ុបមាន់ អំបិល ម្រេច ១មុខបន្តិច
+ វិធីធ្វើ
១. ដំបូងដាក់ឆ្នាំងដាំទឹកឲ្យពុះ រួចហើយដាក់សាច់មាន់ចូលទុកមួយពុះស្រង់យកមកលាងទឹក។
២. យកបន្លែទាំងអស់ដាក់ចូលក្នុងឆ្នាំងដី ជាមួយសាច់មាន់រួចចាក់ទឹកចូលគ្របដាក់ដាំឲ្យពុះ ដួសពពុះដែលអណ្តែតឡើងមកចោល។
៣. បន្ទាប់មកដាក់ម្សៅស៊ុប អំបិល និងម្រេចចូលជាការស្រេច៕
0 comments :
Post a Comment